【《#TENET天能》北美暫無最新映期、《詭屋驚凶實錄3》延期明年6月】
講咗咁耐，意料之內嘅事終於都發生，有曬心理準備但都嘆息一聲。華納宣佈，「一套救全家終極希望」嘅《TENET天能》喺北美正式撤檔，今次唔係延期，而係冇最新映期。華納表示希望喺2020年裡面搵個新映期，但依家咁樣情況，相信都幾難有新嘅期，而如果好樂觀咁睇，下半年一切可以如常，佢自己10月有《神奇女俠1984》、12月有《Dune》，仲有位放上去？11月同《黑寡婦》、《靈魂奇遇記》、《007：生死有時》攬炒？
對於海外觀眾，情況都仲有少少樂觀。事關華納放風，《TENET天能》未必會係傳統咁樣「全球同步公映」，喺佢哋發行計劃將會反映出嚟，意味海外市場有機會上映先？始終，「老蘭」嘅作品海外票房都佔收入過半，當歐洲同亞洲大部份市場都開得返時，堅持死守「全球同步公映」呢樣嘢，對華納嚟講又係咪一件好事？唯一一個海外大市場大陸可能就有隱憂。大陸戲院開得返，但就要堅守片長兩小時嘅規範，而《TENET天能》片長兩個半鐘，點搞好？
不過就算海外市場可以8月12日公映，香港戲院到時仲開唔開得返？
唔止《TENET天能》，連《詭屋驚凶實錄3》都有所影響。套戲原本定檔咗「華納9月恐怖檔」，但一來因為疫情、二來原本四月打算有嘢要補拍，但最終拍唔到，都令佢延期到2021年6月。當乜戲都延期到明年，講真明年個檔期食唔食得到咁多戲？一年後嘅世界，又會變成點？
依家又變成《花木蘭》係第一套大片，睇迪士尼零宣傳個勢，應該最終都係Delay，反而「永恆Coming Soon」嘅《新異變人》，喺美國時間7月23號演員會亮相線上Comic-con，會唔會就係公佈消息，佢哋第五度延期？
2020年真係好可怕，一切好似睇唔到有咩希望同前路咁。仲有人講明天會更好、活著就是希望，一兩個月前我諗我仲講得出，依家恕我同唔到大家講咁正面說話。
共勉之。
最新延期時間表可看留言連結。
【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
神奇女俠 二 線上看 在 神力女超人2線上看劇迷2023-在Facebook/IG/Youtube上的焦點 ... 的推薦與評價
神奇女俠 1984 劇迷Gimy高清免費線上看。故事背景設定在五光十色、充滿誘惑的80年代，神奇女俠戴安娜在華盛頓的自然歷史博物館過著與普通人無異 ... ... <看更多>